[ شرح ] تصوير قطرة ماء
26 يوليو , 2008
ولله الحمد شريت قبل اسبوع ونص تقريباً كميرا من نوع canon تحميل الموديل 450D وطبعاً ماكان عندي اي خلفيه في عالم التصوير الاحترافي ولكن بعد القراءة لمدة أسبوع صورت بعض الصور ممكن تكون متواضعه .. والان سوف اقوم بشرح طريقة التقاط قطرة ماء ومن المهم في الامر سرعة التقاط الصوره مع التركيز الكامل ..
أكمل قراءة بقية الموضوع للاطلاع على باقي التفاصيل …
اللي صعب الامر علي في البدايه اني استعمل عدسة الكام العاديه .. بدون عدسة ميكرو .. واللي صعب علي الامر زيادة اني استعمل عدسه ثانيه تصور ميكرو من المسافات البعيده وهي ثقيلة الوزن .. ولكن بعد عدة محاولات بالعدسه العاديه والعدسه الاخرى .. طبقت العمل ولله الحمد .. لذلك على الجميع ان يعلمو بأن عالم التصوير هو ابداع .. يمكنك عمل اي شيء بأي عدسه .. ولكن هذا يتطلب جهد كبير .. ولكل عمل جميل جهد كبير في وجهة نظري ..
[ صورة العمل بالكامل ]
[ أدوات التصوير ]
العلبة لازم يكون فيها خرمين خرم بالغطا وخرم من ورا العلبة يعني فوق وتحت اللي من فوق يكون لتنقيط الماء واللي تحت وظيفته عشان يدخل الهوى بداخل العلبه ويسهل عملية طلوع الماء من خرم الغطا .. ويكون قياس الخرم بنفس الموضع بالصوره صغير جداً .. ويجب عليك تعبئة الماء 5% بالميه من مساحة العلبه وانتظار التنقيط على الاناء حتى اخر 20 نقطه هي اللي راح نصوره لأنه تنزل ورا بعض بعد فترات ..
لمبتين بيضا .. تسويها من اي محل كهربائي بـ 15 ريال ولها سلك طويل تشبكها على الكهرب تولع .. مو شرط ابيض على حسب ذوقك ..
لمبتين سبوت لايت .. طبعاً نفس البيضا من اي محل تسويها بسلك .. وظيفتها تنور المنطقه التحتيه للأناء وتعطي منظر حلو ..
هذا اهم شي بالعمل .. عشان تثبت الكام مظبوط ..
الكرتون ..
- – - – - -
فلاش الكميرا .. هذا مهم جداً لانعكاس النور على الماء او القطرة ..
[ توضيح عملية قص الكرتون ]
الدائرة تفيد .. عملية قص الكرتون لدخول علبة الماء فيه .. اما الخطين يفيد عملية قص مقدمة الكرتون بعد قصها ترفعها عشان يدخل نور الفلاش فيها .. لاحظ بالصورة كيف مرفوعه .. مقدمة الكرتون المقصوص
[ شكل العمل والتقاط الصوره ]
طبعاً الكام اذا كنت تستخدم العدسه العاديه تقربها من الاناء وتضع على العدسه فلتر يحفظها نظيفه .. وتكون العدسه موجهه داخل الاناء وبتقريب جيد يمنع ظهور حدود الاناء ويجعل الظاهر فقط هو الماء الذي بداخل الاناء ..
[ أعدادات الكام ]
الفتحة : 5
سرعة الشتر : 200/1
الايسو : 100
الفلاش : تشغيل الفلاش الداخلي
وفي حال وجود فلاش خارجي يمكنك زيادة سرعة الشتر الى 2000 لتحصل على تجميد اكبر بكثير وبجوده افضل بكثير .. يعني بالمختصر عن تصوير اي عمل سريع جداً كل مازدت سرعة الشتر كل ماحصلت على تجميد اكبر ووضوح اكبر ..
[ النتيجة ]
وهنا موضوعي بالمنتدى اعرض فيه جميع النتائج بعد التصوير وهي حوالي 8 صور بالعدستين بزوايا مختلفه وباضاءه مختلفه .. الامر سهل ولكن يتطلب الجهد والتركيز في وقت واحد .. [ تفضل من هنا ] .
أتمنى لكم قضاء أسعد الأوقات بمدونة أشعاري [ الموقع الرسمي للشاعر سعود الخميس ]
عمل رائع ،،
وتجربة تستحق الإشادة ،،
جميل هو البحث عن الهدف حتى لو كانت هناك معوقات تحول بينك وبين الهدف كالعدسة هنا مثلا ،،
موفق يا غالي ،،
الأمر الذي اود التنبيه عليه هو الحرص على الإضاءة الداخلية ، وعدم تركها طويلا والخروج خارج الغرفة ،، وذلك لأنها ممكن تتسبب في حريق لاسمح الله ،، لأن حرارتها علية ،،،
موفق ،،،
قيم هذا التعليق :
0 
0
تـصويـر رائـع
أعجبني شرحك لطريقة التصوير
لكن بصراحه متعب والصوره حلوه على قد التعب :)
و الله يوفقك ويحفظك
قيم هذا التعليق :
0 
0
صورة لا اجمل ،،،،،،،،،،
وتجربة جميلة ،،،
بس ما ادري ما في طريقة اسه لمن كذا ..
قيم هذا التعليق :
0 
0
الطريقه هذي سهله جداً .. فقط وفر الادوات وطبق .. وأنتهى
ولكن طريقه اسهل والله ماادري !
شرفت يالغلا
قيم هذا التعليق :
0 
0
شكرا على الشرح اخوي استفدنا منك الله يعطيك العافيه
قيم هذا التعليق :
0 
0
مشاء الله صدق حلو انا كثير استفدت منك وياريت تفيدنا بدروس مصوره ثانيه لانها بجد مفيده وتختصر كثير من الوقت والجهد موفق
قيم هذا التعليق :
0 
0
الله الله
طريقه جميله جدا وفي متناول الكثير
تشكر عليها اخوي
متابعتك …
قيم هذا التعليق :
0 
0
بصراحه عجبني شرحك جدا
لدرجه اني طبقته على طول
وكاميرتي nikon D90
اسبوع فقط من اشتريت الكاميرا الاحترافيه ولا قبل كنت على الديجيتال
شكرا
قيم هذا التعليق :
0 
0
ما تحلى الصوره الا اذا تعبت فيها وطلعت بشي جميل
تحس بلذة لمن تنجح في التقاطاتك
الله يوفقك خيوو بجد كل مره اقراء استفيد اكثر واكثر
قيم هذا التعليق :
0 
0
السلام عليكم والرحمه
الله يعطيك العافيه على الموضوع الرائع كيفية التصوير
انا امس شاري كيمرة كانون دي450
وانا ماعرف عنها اي شي بس يوم قريت موضوعك فهمت اشياء كثيره
الله يعطيك العافيه
بس سؤال ابي اعرف كيفية تغير سرعة الغلق لاني دخلت المنيو ومافهمت شي ولو ترجم المنيو اذا ممكن
وارجع واقول والله انك مبدع
قيم هذا التعليق :
0 
0
وإذا ممكن وماعندك مانع نصير من تلاميذك
قيم هذا التعليق :
0 
0
وآأإآأآإآأآإآو ,,
أخوي الصرآحة شغل ترتووب ..و نتيجة حلووهـ وربي
وربي إني هـآوي ورآغب في التصوير .. الحين عندي سوني شبه
ومقلق العـآلم بصوووري .. ـهههههههـ ..
الله يعطيك العـآفيه وشرح مصور وآفي ..
وإن شششاء الله .. اشتيري أحترآفيه ^_^
نفر وآحد جديد :>
قيم هذا التعليق :
0 
0
اخوي…
احب اقولك انت انساااان اكثر من مبدع
واكن لك كل احتراااام واعجاب باعمالك….
الله يوفقك…
قيم هذا التعليق :
0 
0
مره آبدآع اللقطآت .. وكل .. وحده .. آحلى .. من .. الثآنيه .. =)
بس .. الشي اللي .. مآعجبني .. آحسن اللون الزيتي .. مو حلو =S
وجهة نظر.. لآ آكثر ..
وآصل .. آبدآعك =)
- عندي كوز آذآ ممكن تجآوب عليه ..~
لمآ تحط العزل مثل صورة علبة المويه .. على آي مود تحط الكآميرآ !!
قيم هذا التعليق :
0 
0
اذا كنتي تقصدين المود ،، يعني وضع التصوير ،، هو M
لكن انا موسع العدسه وقتها على تقريباً 4.5 مدري 5.4 وحددت الفوكس على الارض تحت العلبه مباشره
والمقصود بفتحة العدسه دالة F في الكام عندك جنب مؤشر سرعة الشتر
شرفني حضورك الكريم
قيم هذا التعليق :
0 
0
شكراً لكم جميعاً ،، ماسوينا الا الواجب ،، وبالنسبة للي يقولون تسمح نكون من تلاميذك انا تلميذ وكلنا تلاميذ في صف واحد
شكراً لكم مره ثانيه
قيم هذا التعليق :
0 
0
مشاء الله عليك .. تبارك الله
ابداع × ابداع الله يحفظك
ومن جد افكارك في قمه الآبداع
استفدنا منك ياأستاذي القدير الكثير ..
متابعه لأبداعك ..
قيم هذا التعليق :
0 
0
الله يعطييك العافيييه
التصوير شي ممتع …. انا احب اشوف واتصفح للمصوريين
احب تصوير السوائل …
شفت لك درس كيف اتعلم التصوير .. باصدقاء الضوء
عجبنى وااااااااايد ….. ما قصرت
اللقطه مره غاويه …
لو تجرب لون احمر او كحلي … بيطلع خيال الموييه
:$
موفق يارب
قيم هذا التعليق :
0 
0
ما شاء الله ، أعجبتني اللقطة و حاولت تقليدها لكنها باءت بالفشل !
و خزنت الصفحة في الفيفورت عندي و إن شا الله ارد اصورها
بارك الله فيك .. يآ كرييتف
قيم هذا التعليق :
0 
0
تطبيقي على درسك
http://www.flickr.com/photos/37843706@N03/4135606009/
سهل جددددا وحبيته من الشرح
كنت مستصعب الموضوع شوي
بس الحمد لله طلعت بنتيجه حلوة
مع العلم انها اول تجربه لي
قيم هذا التعليق :
0 
0
واو!
كنت دايما أتوققع أن مجرد نزل قطرة ماء وأظبط السيتنغز في الكاميرا وخلاص ما توقعت أنه تصوير القطره يحتاج كل هالجهد!
لكن يستاهل وأشكركم جدا جدا جداً على الشرح الرائع والمميز =)
حمزة المدني
البحرين
قيم هذا التعليق :
0 
0
هلا اخووي سعوود
ماشاء الله مررره شغل تمام
اوكي عرفت الموود m
لكن كيف بالمود اسوي فوكس
لانو انا كامي كانون d500
لي يمكن اسبوع شاريتها وبرضواا ماعررف فيها شيء
ودي اتعلم آكثر عشان ابدع زييك
آخوي ودي بشررح للمودات لاني مافهتها وانا اقرا الكتلوج
ممكن تشرحها باسلوبك واذا يصير يكون تصوير فديو اوضح
شكرااً ويعطيك العافيه
قيم هذا التعليق :
0 
0
إقتباس من SROW بتاريخ 19 فبراير 2010 – 9:52 م
اذا كان قصدك كيف أحول مود الفوكس الى منوال وهو m
من العدسة نفسه تابعي الصوره التاليه :
http://www.ash3ary.net/My/My-images/Canon-who/Fo-6.jpg
خليه على MF
ثم تتحكم بالفوكس من العدسة نفسها بشكل دائري تحركين الفوكس
يمين يسار لين تحددين التركيز اللي انتي تبينه ،،
وأي إستفسار ثاني انا تحت أمرك
بالتوفيق
قيم هذا التعليق :
0 
0
مشكور يا أخي ع هذا الجهد الكبير…
لكن عندي سؤال بسيط…
أنت قلت أن الحامل مهم جدا لتثبيت الكميرا في هذه الصورة..
سؤالي:لماذا نحتاج الى تثبيت الكميرا ما دام أن سرعة الشتر لدينا عالية؟
قيم هذا التعليق :
0 
0
إقتباس من ابو فارس بتاريخ 1 مارس 2010 – 7:02 م
العفو يالغلا ،،
السبب الأول : بما أنك بتصور بفوكس يدوي فأنت عند اي حركه راح تضطر الى تحديد الفوكس مره ثانيه.
السبب الثانيه : القطره سريعة جداً فأي هزه حتى لو كان الشتر سريع راح يأثر على البيئه اللي خلف القطره أو جنبها.
فحنا نبي صوره واضحه جداً خاليه من أي هزات على لو كانت خفيفه ولا تذكر
بالتوفيق
قيم هذا التعليق :
0 
0
جزاك الله خير
ربي يوفقك ..استفدت كثير من شرحك ودروسك …
قيم هذا التعليق :
0 
0
مرحبا خوي
ما شاء الله شغل طيب
ومتعوووب عليه
وانا عندي نفس كيمرتك يا مبدع
وراح اقلدك في كل خطوه تخطوها في التصوير
الله يوفقك يا خوي سعود
قيم هذا التعليق :
0 
0
درس راائع ماشاء الله
و ان شاء الله في اقرب فرصة بحاول اطبق الدرس
بس حبيت أسئل سؤال اذا ما في مانع ^^
انا عندي كاميرا نيكون 400d
مع عدسة 200mm
حبيت اسئل كيف اغير سرعة الشتر ذي { عبيطة مو }
و بس ^^
مشكور عالشرح الوافي
واصل
قيم هذا التعليق :
0 
0
اخوي هو مره ضروريي حامل الكاميرا ؟
لاني مبتدئه و ما امداني اشتري الحامل و ايش راح يسير اذا صورت بدون الحامل ؟
قيم هذا التعليق :
0 
0
إقتباس من sHoo8 al 3mri بتاريخ 7 يونيو 2010 – 1:49 م
أيه ضروري لأن أي اهتزاز بسيط بالصوره راح يأثر على النتيجة النهائيه ،،
بالتوفيق
قيم هذا التعليق :
0 
0
بارك الله فيك
سأستفيد كثيرا من مواضيعك
في تطبيقي لما قرأت
قيم هذا التعليق :
0 
0